Sunday, 20 May 2012 12:46 pm, Nepal
डोल्पा, ५ असार : यार्सागुम्बा टिप्न गएका जाजरकोटका तीन किशोरहरुको डोल्पाको भालुवाचौरमा हिमपहिरोमा परी मृत्यु भएको छ । मृत्यु हुनेमा जाजरकोट नायकवाडा गाविसका सिंहबहादुर सिंह, पदमबहादुर सिंह र रामीडाँडा गाविसका लिम्सास्थित वीरेन्द्र ऐश्वर्य उच्च माध्यमिक विद्यालयमा अध्ययनरत विद्यार्थी प्रेमबहादुर बोहरा छन् ।
उनीहरु तीनै जनाको डोल्पाको मालुवाचौर लेकमा यार्चा खोज्ने क्रममा हिमपहिरोमा पुरिएर मृत्यु भएको अर्का आफन्त डिल्लीबहादुर सिंहले बताउनुभयो । घटनास्थल घरदेखि झण्डै पाँच दिनको पैदल हिड्नुपर्ने र विकट भएको मृतकको शव हिमालमै गाडेर आएको उहाँले बताउनुभयो ।