Sunday, 20 May 2012 12:58 pm, Nepal
धनकुटा, १३ साउन : धनकुटा तेलीयाका एकै परिवारका चार बालिकालाई बलात्कार गर्ने एक युवकलाई प्रहरीले पक्राउ गरेको छ । धनकुटाको तेलीया गाविस–१ का १४ वर्षीय हर्कबहादुर विश्वकर्माले स्थानीय तामाङ परिवारका चार दिदीबहिनीलाई बलात्कार गरेको जिल्ला प्रहरी कार्यालय धनकुटाले जनाएको छ । बलात्कृत हुनेहरूमा दुईजना ६ वर्षीया जुम्लिया दिदीबहिनी र उनीहरूका चार वर्षीया र पाँच वर्षीया दुई बहिनी रहेका छन् ।
चारै जना बालिकाको जिल्ला अस्पताल स्वास्थ्य परीक्षण गरिएको छ । बलात्कार गर्ने विश्वकर्मालाई बिहीबार प्रहरीले नियन्त्रणमा लिएर जिल्ला प्रहरी कार्यालयमा राखेको प्रहरी निरीक्षक अनिल पौडेलले बताउनुभयो ।