Sunday, 20 May 2012 01:09 pm, Nepal
धादिङ, ८ असोज : हिजो साँझ भएको तोडफोडका कारण बन्द हुन गएको धादिङ अस्पताल अझै खुल्न सकेको छैन । शुक्रबार बेलुकी सो अस्पतालमा सुत्केरी भएकी साँकोस–३ निवासी २३ वर्षीया भगवती श्रेष्ठको मृ्त्यु भएपछि पीडितका आफन्त र स्थानीय व्यक्तिद्वारा गरिएको तोडफोडबाट हिजो साँझदेखि बन्द भएको छ ।
शल्यक्रिया गरी सकुशल बच्चा जन्मेपछि रक्तश्राव नरोकिएर सुत्केरीको अवस्था गम्भीर हुँदै गएकाले थप उपचारका लागि काठमाडौँ पठाइएकामा बीचबाटोमै उनको मृत्यु हुन गएको थियो ।
मृतकको शव शनिबार साँझ धादिङ अस्पतालमा ल्याएपछि आक्रोशित भीडले धादिङ अस्पताल तोडफोड गर्दा भीड नियन्त्रण गर्न प्रहरीलाई लाठीचार्ज र अश्रुग्याँससमेत प्रयोग गर्नुपरेको थियो ।
अस्पताल खुलाउने विषयमा अहिले स्थानीयहरुबीच प्रयास थालिएको छ ।