Sunday, 20 May 2012 01:20 pm, Nepal
गाईघाट, २ कात्तिक : उदयपुरको तावाश्री गाविसबाट भारततिर बिक्री गर्न लगिँदै गरेका केही बालकलाई सिराहा प्रहरीले उद्धार गरी इलाका प्रहरी कार्यालय कटारीमा बुझाएको छ ।उद्धार गरिएका बालकहरुमा तावाश्री गाविसका १३ वर्षीय देबबहादुर तामाङ, ११ वर्षीय अनिल परियार, ११ वर्षीय श्यामकुमार तामाङ र १२ वर्षीय अर्जुन परियार रहेका छन् ।
उद्धार गरिएका बालकहरु कटारी इलाका प्रहरी कार्यालयबाट रिस्कु प्रहरी चौकी हुँदै तावाश्रीमा रहेका उनीहरुका अभिभावकलाई मङ्गलबार जिम्मा लगाइएको इलाका प्रहरी कार्यालय कटारीले जनाएको छ ।
बालकहरुलाई भारततिर ललाइफकाई लाने प्रयाशमा रहेका दलाल तेजबहादुर परियार र पिउने परियार भने फरार छन् ।