Sunday, 20 May 2012 01:26 pm, Nepal
धादिङ, १२ कात्तिक : जिल्लाको त्रिपुरेश्वर गाउँ विकास समिति चरङ्गेमा शनिबार दिउँसो जिप दुर्घटना हँुदा एक जनाको मृत्यु भएको छ भने १२ जनाभन्दा बढी घाइते भएका छन् । धादिङको उत्तरी क्षेत्र किन्ताङफेदीबाट सदरमुकाम धादिङबेसीतर्फ आउँदै गरेको ना१ज ३०८६ नम्बरको मुस्ताङ नामको जिप दुर्घटना हुँदा दार्खा गाविस–३ निवासी २५ वर्षीया जेमाया तामाङको मृत्यु भएको प्रहरीले जनाएको छ ।
छतमा समेत खचाखच यात्रु बोकेर हिँडेको जिप गन्तव्यतर्फ अगाडि बढ्दै गर्दा पटकपटक मर्मत गरिँदै आएको जिपमा सवार सुजन गुरुङले बताउनुभयो ।
चौध जना यात्रु बोक्ने क्षमता भए पनि दुई गुणा यात्रु बोकेको जिप कच्ची सडकबाट करिब ५० फिट तल खसेको थियो ।
समयमा नै मर्मत नगरी सञ्चालनमा ल्याइएको गाडी बिग्रिएका कारण दुर्घटना भएको यात्रुहरुले जानकारी दिएका छन् । दुर्घटनामा घाइते भएकाहरुको स्थानीय स्वास्थ्य केन्द्र र जिल्ला अस्पतालमा उपचार भइरहेको प्रहरीले जनाएको छ ।