Sunday, 20 May 2012 01:26 pm, Nepal
दैलेख, १३ कात्तिक : दैलेखको दुर्गम गाउँ तोलीजैसी आग्राका एक शिक्षकले भीरबाट हामफालेर आत्महत्या गरेका छन् । प्रहरीले दिएको जानकारीअनुसार तोलीजैसी गाविस–५ निवासी ४१ वर्षीय धीरबहादुर शाहीले शनिबार घर नजिकैको अँधेरीखोलामा हामफालेर आत्महत्या गरेका हुन् । प्रहरीले घटनाबारे प्रारम्भिक अनुसन्धान भइरहेको जनाएको छ ।
मालिका माध्यमिक विद्यालय ठिमुरेमा राहत दरबन्दीमा अङ्ग्रेजी विषयको मावि शिक्षक पदमा कार्यरत शाही १७ वर्षदेखि शिक्षण पेशा गर्दै आएका थिए ।
प्राप्त जानकारीअनुसार गएराति स्थानीय भइनी जात्रामा एकजना काका नाता पर्नेले सामान्य विवादमा गालामा चट्कन हानेपछि आत्मग्लानी भई आत्महत्या गर्न तयार भएको र यसमा कसैलाई दोष छैन भनी लेखेको चिठ्ठी प्रहरीले फेला पारेको छ ।