Sunday, 20 May 2012 01:27 pm, Nepal
पर्वत, १५ कात्तिक : विद्यालयमा अङ्ग्रेजी कक्षा सञ्चालनका लागि आयोजना गरिएको देउसी–भैलो कार्यक्रमबाट रु चार लाख सङ्कलन भएको छ । पर्वतको कटुवाचौपारीमा रहेको जनप्रिय प्राथमिक विद्यालयले अङ्ग्रेजी माध्यममा पढाइ सञ्चालन गर्ने उद्देश्यले आयोजना गरेको देउसीे–भैलो कार्यक्रमबाट करिब रु ४ लाख पाँच हजार सङ्कलन भएको हो ।
विद्यार्थी र अभिभावकको अङ्ग्रेजी शिक्षाप्रति आकर्षण बढेकाले गत वर्षदेखि कक्षा ४ सम्म अङ्ग्रेजी माध्यममा पढाइ सुरु गरेको सो विद्यालयले अब सबै कक्षामा अङ्ग्रेजी माध्यममा पढाइ सञ्चालन गर्ने प्रधानाध्यापक रमाकर अधिकारीले बताउनुभयो ।
सोही विद्यालयको नाममा कटुवाचौपारी–८ निवासी वासुदेव लामिछानेले आफ्ना बाबु र आमाको सम्झनामा रु ५० हजार १५१ अक्षयकोष स्थापन गर्नुभएको छ । देउसी–भैलो कार्यक्रम सफल पार्नका लागि अभिभावक, विद्यार्थीलगायतले सहयोग गरेको विद्यालयका प्रधानाध्यापक अधिकारीले जानकारी दिनुभयो ।