Sunday, 20 May 2012 01:43 pm, Nepal
अर्घाखाँची, ५ मंसिर : जुकेना गाविसस्थित सुधा उच्च माविमा चार दिनदेखि लगाइएको ताला खुल्न नसक्दा विद्यालयको दोस्रो त्रैमासिक परीक्षा सञ्चालन हुन सकेको छैन । विद्यालयमा नेपाली विषयको शिक्षक राख्ने विषयमा स्थानीय राजनीतिक दलबीच समझदारी कायम हुन नसकेपछि गत बिहीबारदेखि विद्यार्थीले विद्यालयमा तालाबन्दी गरेका थिए ।
खुल्ला प्रतिस्पर्धाबाट योग्य शिक्षक राख्नुपर्ने, शिक्षक नियुक्तिमा राजनीतीकरण गर्न नहुने भन्दै विद्यालयमा तालाबन्दी गरिएपछि विद्यालयका एकदेखि १२ सम्मका सम्पूर्ण कक्षामा पढाइ सञ्चालन हुन सकेको छैन ।
तालाबन्दी भएपछि आजदेखि हुने भनिएको विद्यालयको दोस्रो त्रैमासिक परीक्षा रोकिएको विद्यार्थी हिमाल घिमिरेले बताएका छन् ।