Sunday, 20 May 2012 01:58 pm, Nepal
दमौली, २२ मंसिर : बुधबार राति जङ्गली जडीबुटी औषधी बनाएर खाँदा तनहुँमा तीनजना बेहोस भएका छन् । बेहोस हुनेमा व्यास– ९ निवुवाटरीका ४५ वर्षीय सन्तबहादुर विक र उनकी श्रीमती ४० वर्षीया मनुमाया विक तथा सोही ठाउँकी ३० वर्षीया लक्ष्मीकुमारी विक रहेका जिल्ला प्रहरी कार्यालय, तनहुँले जनाएको छ ।
चामलको पिठोमा जङ्गली जडीबुटी हाली औषधि बनाएर खाँदा तीनैजना बेहोस भएका हुन् ।
केही दिनअघि उनीहरू बस दुर्घटनामा परी घाइते भएपछि शरीर दुख्यो भन्दै जङ्गली जडीबुटी औषधिको रूपमा खाँदा त्यस्तो भएको हो ।
उनीहरूको दमौली अस्पतालमा उपचार हुन नसकेपछि गण्डकी अस्पताल पोखरा पठाएकामा सन्तबहादुर र उनकी श्रीमती मनुमायाको होस् खुलेको र लक्ष्मीकुमारी भने अझै अचेत अवस्थामा रहेको प्रहरीले जनाएको छ ।