Sunday, 20 May 2012 02:17 pm, Nepal
तनहुँ, १५ पुस : पोखरा वीरगञ्जको सवारी रुटमा रहेको बसले ठक्कर दिँदा तनहुँको जामुने निर्मलबस्तीमा तीनजनाको मृत्यु भएको छ भने एकजना घाइते भएका छन् । पोखराबाट वीरगञ्जतर्फ गइरहेको ना ४ ख ६११७ नम्बरको बसले गएराती स्थानीय पैदलयात्री चारजनालाई पृथ्वी राजमार्गको जामुनेमा ठक्कर दिएको थियो ।
बसको ठक्करबाट घाइते भएका चारजनामध्ये दुईजनाको उपचारका लागि लैजाने क्रममा र एकजनाको उपचारका क्रममा मृत्यु भएको जिल्ला प्रहरी कार्यालय तनहुँले जनाएको छ । दुर्घटनामा जामुने ३ का राजन रानाभाट, अनिल रानाभाट र रेशम रानाभाटको मृत्यु भएको हो । राजन र रेशमको उपचारका लागि लैजाँदै गर्दा बाटोमै र अनिलको मनिपाल अस्पताल पोखरामा उपचारका क्रममा ज्यान गएको हो । दुर्घटनापछि जामुने क्षेत्रमा यातायात बन्द गरिएकोमा बिहान ४ बजे मात्र यातायात सुचारु भएको थियो । बस र चालकलाई प्रहरीले नियन्त्रणमा लिएको छ ।