Sunday, 20 May 2012 02:19 pm, Nepal
गाईघाट, १६ पुस : उदयपुरको जोगीदह गाविस–१ बरगाछीमा रहेको गजराज तातेडको चार बिघा १० कठ्ठा जग्गामा एकीकृत माओवादीका कार्यकर्ताले कब्जा गरी बनाएका घर तथा टहरा प्रहरीले भत्काएको भोलिपल्टै पुनः उनीहरूले सोही जग्गा कब्जा गरेर टहरा बनाउन सुरु गरेका छन् ।
जोगीदहका स्थानीयवासी नारायण ढकालका अनुसार केही सुकुम्बासी तथा माओवादीका कार्यकर्ताले प्रहरीले हटाएको भोलिपल्टै पुनः घरटहरा निर्माण गर्न थालेका छन् ।
एकीकृत नेकपा (माओवादी) वैद्य समूहका कार्यकर्ताले सो जग्गामा टहरा निर्माण गर्न सुरु गरेको एक माओवादी कार्यकर्ताले नाम नबताउने सर्तमा बताए ।
यस विषयमा जिल्ला प्रहरीका प्रमुख नरेन्द्र उप्रेतीसँग जानकारी माग्दा उहाँले आफूले पनि सो कुरा सुनेको बताउनुभयो ।