Sunday, 20 May 2012 02:22 pm, Nepal
पर्सा, १६ पुस : तराईमा सशस्त्र संघर्षरत संयुक्त जनतान्त्रिक तराई मुक्ति मोर्चा पवन समूह र सरकारबीच आज बीरगन्जमा वार्ता भएको छ । बीरगन्जको होटल सुरजमा सरकारका तर्फबाट शान्ति मन्त्री सत्या पहाडी र मोर्चाका तर्फबाट वार्ता टोली संयोजक एवम् मोर्चाका संयोजक पल्हाद गिरी (पवन)बीच चार बुदे सहमति भएको छ ।
०६८ साउन २८ गते भएको सहमति अनुसार मोर्चासँगको वार्ता आज सफल भएको सरकारका तर्फबाट बार्ता टोली संयोजक एवम् शान्तिमन्त्री सत्या पहाडीले जानकारी दिनुभयो ।
उहाँले सबै सशस्त्र समूहलाई बार्तामा आउन पनि आग्रहगर्नुभयो । वार्तामा क्रममा मोर्चाले ८ थान हतियार राज्यलाई बुझाएको छ । मोर्चाले थ्रि फिप्टीन पेस्तोल ४ थान र १२ बोर पेस्तोल ४ थान बुझाएको हो । वार्तापछि सन्चारकर्मीसंग कुरा गर्दै मोर्चाका संयोजक पवनले आफूहरु शान्तिपूर्ण रुपमा राजनीति गर्न तयार रहेको बताउनुभयो । शान्तिपूर्ण रुपमा पनि तराई मधेसका समस्याहरु समाधान गर्न सकिने पनि उहाँको भनाइ छ ।