Sunday, 20 May 2012 02:24 pm, Nepal
लमजुङ, १८ पुस : पूर्वी लमजुङको कोल्की गाविस दोभान गाउँमा आमाछोरीलाई बोक्सीको आरोपमा स्थानीय वासिन्दाले यातना दिएका छन् । कोल्की गाविस ९ दोभानकी ५४ बर्षिया झ्यापूमाया तामाङ र उहाँकी १९ बर्षिया छोरी हिरामाया तामाङलाई यातना दिएको पीडितले बताएका छन् ।
गाउँकै बासीकुमारी तामाङ, बिन्दु तामाङ र झाँक्री बुद्धिबहादुर तामाङले बिन्दु तामाङलाई बिरामी बनाएको भन्दै बत्ती छुन लगाएको, गोडाको पैताला चाट्न लगाएको, बिरामीको रोग सञ्चो नभए तीन महिना भित्र मर्ने कसम खान लगाएको पीडितले बताएका छन् ।
झ्यापूमायाले आफू र छोरीलाई बोक्सीको आरोप लगाउने विरुद्ध जिल्ला प्रहरी कार्यालयमा जाहेरी दिनुभएको छ ।