Sunday, 20 May 2012 02:30 pm, Nepal
प्युठान, २१ पुस : गुल्मीमा उत्पादित सुन्तालाले प्युठानको बजारमा राम्रो भाउ पाउन थालेपछि त्यहाँका किसान भाउ खोज्दै यहाँ आउन थालेका छन् । स्थानीयबजारमा भन्दा प्युठानमा दोब्बरमा बिक्री हुनेभएकाले गुल्मीका किसान डोकाभरि सुन्ताला बोकेर प्युठानका बजारमा झर्न थालेका हुन् ।
प्युठानमा सुन्तलाको फूल फुल्ने समयमा खडेरी परेको र बोट पनि धेरै सुकेकाले तीन वर्षदेखि उत्पादन आधा घटेपछि गुल्मीका सुन्तलाले प्युठानको बजारमा राम्रो भाउ पाएको हो ।
राम्रो दाना हुने र गुलियो हुने भएकाले यहाँका ग्राहकले गुल्मीका सुन्तला खुबै मन पराउने गरेका छन् ।
जिल्लाको मुख्य बजार खलङ्गा, बिजुवार, बाग्दुला, मच्छिलगायतका बजार क्षेत्र र चोकचोकमा गुल्मीका किसान डोकामा सुन्ताला राखेर बिक्री गर्न बसेका पाइन्छन् ।
‘तम्घासमा दानाको दुई रुपैयाँ पर्ने सुन्ताला प्युठानमा पाँच रुपैयाँमा बिक्री हुँदैआएको छ ।
हाडहाडे–८ का किसान गङ्गा बिसीका अनुसार बिजुवारमा एक डोको सुन्तला एक छिनमै बिक्री हुनेगरेको छ ।
विगत ३ वषदेखि प्युठानका बजारमा सुन्तला बेच्दैआउनुभएका उहाँले यसैको कमाइबाट घरगुजारा चलाउँदै आउनुभएको छ ।