Sunday, 20 May 2012 02:58 pm, Nepal
कपिलवस्तु, १ माघ : स्थानीय विकासमन्त्री टोपबहादुर रायमाझीले वर्तमान सरकारले शान्ति र सविधान निर्माण नगरे अन्य कुनै पनि सरकारले नसक्ने दावी गर्नुभएको छ । रिपोर्टस क्लव अर्घाखॉचीले आज गरेको साक्षात्कारमा मन्त्री रायमाझीले सविधानसभाको जन्मदाता नै रहेका प्रधानमन्त्री बाबुराम भट्टराईलाई जत्तिको माया यस मुद्धामा अरुलाई हुन नसक्ने ठोकुवा गर्नुभयो ।
शान्ति र संविधान नबनेसम्म वर्तमान सरकार कायम रहने भन्दै मन्त्री रायमाझीले राष्ट्रिय सरकार बनेपनि भट्टराईकै नेतृत्वमा बन्ने बताउनुभयो । स्थानीय निकायमा दलिय संरचना भङ्ग गरिएको बताउँदै मन्त्री रायमाझीले तत्काल निर्वाचन गराउन सम्भव नभएकाले सविधान सभामा दलले पाएको समानुपातिक मतका आधारमा प्रतिनिधि पठाउने तयारी भएको बताउनुभयो ।