Sunday, 20 May 2012 03:15 pm, Nepal
सिरहा, ८ माघ : सिरहा नगरपालिका ५ मानपुरमा भीषण आगलागी भएको छ । आईतबार दिउसो सुरु भएको आगलागीबाट ११ वटा घर जलेर नष्ट भएको प्रहरीले जनाएको छ । आगलागीबाट कुनै मानवीय क्षति भने भएको छैन । दिउसो १२ बजे भान्सामा रहेको चुल्होबाट सल्किएको आगो फैलिएपछि ६ परिकारका ११ घर जलेका हुन् । आगलागीबाट लाखौँ धन सम्पति जलेर नष्ट भएको छ ।
आगलागीमा स्थानिय मना सदा, रामदेव सदा, रामविलास सदा, नथुनी सदा लगायतको घर जलेर नष्ट भएका छन् । घरमा रहेको लत्ताकपडा, अन्न र नगद समेत जल्दा करिब १५ लाख बराबरको क्षेति भएको एमालेका स्थानीय नेता दिनेश यादबले जानकारी दिनुभयो । दिउसो १२ बजेबाट सुरु आगलागी स्थानियबासी र जिल्ला प्रहरी कार्यालय सिरहाबाट गएको प्रहरीको संयुक्त प्रयासमा एक घण्टापछि नियन्त्रणमा आएको थियो ।
सिरहा सदरमुकाममा दमकल नहुँदा यसआसपासका क्षेत्रमा आगलागी हुँदा बढी धनमालको क्षति हुने गरेको छ ।