Sunday, 20 May 2012 03:26 pm, Nepal
पोखरा, ११ माघ : पोखराको सभागृह स्थित एक लाईट हाउसमा अज्ञात समुहले राखेका बम बिष्फोट हुदा आज एक जनाको मृत्यु भएको छ । मृत्यु हुनेमा लाईट हाउसमा कार्यरत स्याङजा वरष्टेका २५ बर्षिय राम बहादुर बास्तोला बिक रहेको प्रहरीले जनाएको छ ।
सभागृहचोक स्थित क्रिष्टल ईलेक्ट्रिक लाईट हाउसको गोदाममा दिउँसो एक बजे बिष्फोट हुदा घाईते भएका बास्तोलाको उपचारको क्रममा चरक अस्पतालमा मृत्यु भएको कास्की प्रहरीले जनाएको छ । ईलेक्टिक पसल भित्रको गोदाममा अज्ञात समुहले बम राखेको बम बिष्फोट भएको र अहिलेसम्म बिष्फोटको जिम्मा कसैले नलिएको जिल्ला प्रहरी कार्यलय कास्कीले जनाएको छ ।