Tuesday, 22 May 2012 03:00 pm, Nepal
बाँके, १३ माघ : एकीकृत नेकपा माओवादीको भेरी अञ्चलस्तरीय अगुवा कार्यकर्ता भेला तथा प्रशिक्षण कार्यक्रममा कोहलपुरमा चलिरहेको बेला एकीकृत नेकपा माओवादीका शीर्ष नेताहरु आज बाँके आउँदैछन् । पार्टीको पश्चिम व्यूरोस्तरीय थारुवान राज्य, भेरी कर्णाली, सेती महाकाली राज्य समितिका अगुवा कार्यकर्तालाई प्रशिक्षण दिन नेताहरू बाँके आउन लागेका हुन् ।
कार्यक्रममा सहभागी हुन अध्यक्ष पुष्पकमल दाहाल प्रचण्ड, वरिष्ठ उपाध्यक्ष मोहन वैद्य, प्रधानमन्त्री डा. बाबुराम भट्टराई महासचिव रामबहादुर थापा बाँके आउनलाग्नुभएको हो । बिहान ११ बजेदेखि दिउँसो ३ बजेसम्म जिल्लाको चिसापानीस्थित मेडिकल कलेजको हलमा हुने प्रशिक्षण कार्यक्रममा नेताहरूले कार्यकर्ताहरुलाई प्रशिक्षण दिनुहुनेछ । यसैगरी आज दिउँसो ४ बजे कृष्ण मावि कौशीलानगरको प्राङ्गणमा हुने जनसभालाई पार्टी अध्यक्ष प्रचण्डले सम्बोधन गर्ने कार्यक्रम रहेको माओवादीका थारुवान राज्य सचिवालय सदस्य पिनु थापाले जानकारी दिनुभयो ।