Tuesday, 22 May 2012 03:01 pm, Nepal
नवरपरासी, १३ माघ : पूर्वपश्चिम राजमार्गअन्र्तगत नवलपरासीको रजहर ५ मा भएको सवारी दुर्घटनामा परि २४ जना घाईते भएका छन् । पश्चिमबाट पूर्व गईरहेको नमुना आर्दश उच्च माविको ग १ ख १७५४ नम्बरको स्कुल बस र बिपरित दिशाबाट आउँदै गरेको बा ३ ख २९४३ ल यात्रु बाहक बस एक आपसमा ठक्कर खाँदा २४ जना घाईते भएका हुन् ।
घाईते मध्ये ५ जनाको अवस्था गम्भीर रहेको ईलाका प्रहरी कार्यालय कावासोतीले जनाएको छ । दुर्घटना मा १६ जना यात्रु र ६ जना विद्यार्थी घाइते भएको छन् ।
यस्तै नवलपरासीकै प्रगतिनगर ३ मा भएको सवारी दुर्घटनामा परी ८ जना घाईते भएका छन् । घाईते मध्ये ४ जनाको अवस्था गम्भिर रहेको छ । ४ जना गम्भीर घाईतेलाई भरतपुर रिफर गरिएको छ भने बाँकीको स्थानीय अस्पतालमा उपचार भइरहेको छ ।