Tuesday, 22 May 2012 03:06 pm, Nepal
नेपालगञ्ज, १५ माघ : जनतान्त्रिक तराई मधेस मुक्ति पार्टीका नाममा पश्चिम तराईमा हिंसात्मक गतिविधि सन्चालन गरीरहेका अर्जुन सिंह सिखउर्फ भगत सिंहले युद्धविरामको तयारी गरेका छन् । एक विज्ञप्ति जारी गरी सिहंले शान्ति मन्त्रालयको वार्ता प्रस्तावलाई स्वीकार गर्दै युद्धविरामको तयारी गरेको बताएका छन् । एक साताभित्र वार्ता टोली बनाएर हतियार बिसाएको घोषणा गर्नें विज्ञप्तिमा उल्लेख छ ।
तर बाँकेका सुरक्षा अधिकारीहरुले भने सुरक्षा दबाबलाई झेल्न नसकेर भगत सिंहले आत्मसर्मपण गर्न लागेको दावी गरेका छन् । एक महिना अघि देखि नै आत्मसर्मपणका लागि आवस्यक प्रकृयामा आउन खोजेको सुचना प्राप्त भएकोे बाँकेका प्रहरी प्रमुख बिक्रम सिंह थापाले बताउनुभयो । भगत सिंहलाई आफुले घेरामा पारी सकेकाले आत्मसर्मपण बाहेक अर्को बिकल्प नरहेको एसपी थापाको भनाइ छ । आधा दशक अघि देखि भुमिगत ससस्त्र गतिविध गर्दै आएका उनी जनतान्त्रिक तराई मुक्ति मोर्चा हुदै आफनो कमाण्डमा तराई मधेस मुक्ति पार्टी सम्मको हिंसात्मक राजनीतिमा आईपुगेका हुन ।