Tuesday, 22 May 2012 03:13 pm, Nepal
दाङ, १८ माघ : सरकारले सूचनाको हकसम्बन्धी विधेयकलाई अङ्कुश लगाउने गरी १ सय ४० किसिमका सूचना लुकाउने निर्णयप्रति पत्रकारहले विरोध जनाएका छन् । नेपाल सरकारले ल्याएको सूचना वर्गीकरणको विरोधमा प्रेस चौतारी नेपाल दाङले विरोध स्वरुप आज सूचना वर्गीकरण पत्र जलाउने भएको छ ।
विरोध स्वरुप आज ११ बजे घोराहीको तुलसीपुर चोक सूचना वर्गीकरणपत्र जलाउने कार्यक्रम रहेको प्रेस चौतारी नेपाल दाङका अध्यक्ष दुर्गालाल केसीले जानकारी दिनुभएको छ । यसैबीच सूचना नदिन सम्बन्धित मन्त्रालय एवम् निकायहरुमा पत्र पठाएको सार्वजनिक भएपछि पत्रकार महासंघले गरेको आन्दोलन प्रति देउखुरी संञ्चार केन्द्र लमहिले विज्ञप्ति मार्फत ऐक्यवद्धता जनाएको छ ।