Tuesday, 22 May 2012 03:18 pm, Nepal
चितवन, २१ माघ : अखिल नेपाल सुकुम्बासी सङ्घ र अखिल नेपाल ट्रेड युनियन क्रान्तिकारी मजदुर संघ चितवनले भरतपुरमा १४ कठ्ठा जग्गा कब्जा गरेका छन् । भरतपुर ९ काडाघारी स्थित भक्तिप्रसाद अधिकारीको नाममा रहेको जग्गा कब्जा गरिएको हो । मजदुर संघ चितवनका जिल्ला संयोजक सूर्य बराल क्षीतिजको नेतृत्बमा गएको टोलीले पार्टीको झण्डा गाडेर जग्गा कब्जा भएको घोषणा गरेको हो ।
अधिकारीको नाममा रहेको जग्गामा २० वर्षदेखि सुकुम्वासी शुकलाल श्रेष्ठले जोत भोग गर्दै आएका थिए । गत माघ १८ गते प्रशाशनले बल प्रयोग गरि श्रेष्ठ लाई हटाएपछि जग्गा कब्जा गरिएको अखिल नेपाल सुकुम्बासी संघका जिल्ला अध्यक्ष नरबहादुर गौतमले बताउनुभयो ।