Tuesday, 22 May 2012 03:24 pm, Nepal
झापा, २२ माघ : झापाको जामुनखाडीमा मुनाल यातायातको यात्रुबस दुर्घटना हुँदा तीन जनाको घटनास्थलमा मृत्यु भएको छ । मृत्यु हुनेमा झापा मेचीनगरपालिकाका बस चालक अशोक अधिकारी, सोही स्थानका निर्जल रिजाल र इटहरीकी कृष्णमाया श्रेष्ठ छिन् । दुर्घटनामा अरु ६ जना घाइते भएका छन् । घाइतेमध्ये गम्भीर अवस्थामा रहेका तीन जनालाई थप उपचारको लागि विराटनगरस्थित न्यूरो अस्पताल लगिएको छ ।
तीव्र गतिको कारण बस अनियन्त्रित भई सडकबाट खसेर दुर्घटना भएको प्रहरीले जनाएको छ । बस कांकडभिट्टाबाट धरानतर्फ आउँदै थियो ।