Tuesday, 22 May 2012 03:31 pm, Nepal
गोरखा, २३ माघ : प्रधानमन्त्री डा.बाबुराम भट्टराईले वर्तमान सरकारले नै संविधान निर्माण गर्ने दाबी गर्नुभएको छ । केही दिनभित्रै शान्ति र संविधान लेखन प्रक्रियामा उल्लेख्य प्रगति हुने दाबी गर्दै प्रधानमन्त्री भट्टराईले आफ्नै नेतृत्वको सरकारलेनै बाँकी रहेको शान्ति प्रक्रियाको काम सम्पन्न गरी संविधान निर्माण गर्ने दाबी गर्नुभयो ।
भवानी उच्च मावि पालुङटार गोर्खाको ५५ औं वार्षिकोत्सव समारोहलाई आज सम्बोधन गर्दै उहाँले सरकारको पहिलो प्राथमिकता शान्ति र संविधान भएकाले झिना मसिना कुराहरुमा अल्झेर संविधान निर्माणको काममा अवरोध नगर्न दलहरुलाई आग्रह पनि गर्नुभयो । मुलुकमा यतिखेर आमूल परिवर्तनको आवश्यकता रहेको औंल्याउँदै प्रधानमन्त्री भट्टराईले मुलुकको आवश्यकता र जनताको सपनालाई पूरा गर्नका लागि पनि सबै दलहरु मिलेर अगाडि बढ्नुको विकल्प नभएको बताउनुभयो । प्रत्येक महिना जिल्ला आउने कार्यक्रमअन्तर्गत प्रधानमन्त्री आज ४९ औ पटक गृह जिल्ला आउनुभएको हो ।