Tuesday, 22 May 2012 03:36 pm, Nepal
भद्रपुर, २४ माघ : स्कुटरमा सवार दुई युवकको गएराति दुर्घटनामा परी मृत्यु भएको छ ।अनारमणि–३ बस्ने १८ वर्षीय साजन सुब्बा र १७ वर्षीय अभिषेक आचार्यको मृत्यु भएको इलाका प्रहरी कार्यालय विर्तामोडले जनाएको छ । सुब्बाको विर्तामोडस्थित कन्काई अस्पतालमा उपचारको क्रममा मृत्यु भएको हो भने आचार्यलाई उक्त अस्पतालबाट उपचारका लागि भारतको सिलगुडी लग्नेक्रममा बाटोमा मृत्यु भएको हो ।
प्राप्त जानकारीअनुसार अर्जुनधाराबाट मे३प ९३५२ नम्बरको स्कुटरबाट शनिश्चरेतर्फ गइरहेको अवस्थामा अर्जुनधारा–८ स्थित महानन्द चोकमा स्कुटर अनियन्त्रित भई रूखमा ठोक्किएपछि उनीहरू गम्भीर घाइते भएका थिए ।