Tuesday, 22 May 2012 03:36 pm, Nepal
अछाम, २४ माघ : अछाम जिल्लाको बूढाकोट गाविस वडा २ मा भएको आगलागीमा परी २ जनाको मृत्यु भएको छ । ऐराडा टोलमा भाने ढोलीको घरमा आगो लाग्दा भानेका छोरा कालु ढोली र झंकरे ढालीको मृत्यु भएको छ । ४६ बर्षीय भाने ढोली र उहाँकी श्रीमती सेतुदेवी आगलागीमा परेर गम्भीर घाईते भएको स्थानिय मोहन थापाले बताउनुभयो । सेतु देवीको अवस्था चिन्ताजनक रहेको बताईएको छ ।
आगलागीबाट ३ वटा चौपाया मरेका छन् । गएराति साढे १२ बजे घरमा आगलागी भएकोले तत्काल उद्वार गर्न नसक्दा मानवीय क्षति भएको बताईएको छ । बिहान स्थानियबासीले आगलाीका कारण प्रभावितहरुको उद्वा गरेका र साफेबगर इलाका प्रहरी कार्यालयबाट प्रहरी नायव निरिक्षक राजेन्द्र कठायतको नेतृत्वको एक टोली घटनास्थल तर्फ गएको अछामका प्रहरी नायव उपरिक्षक सुसिलसिंह राठौरले जानकारी दिनुभयो । आलागीबाट संगै रहेका २ वटा अरु घर पनि जलेर नष्ट भएका छन् । आलागीको कारण भने खुल्न नसकेको स्थानियले बताएका छन् ।