Tuesday, 22 May 2012 03:41 pm, Nepal
लखनउ, २५ माघ : भारतको उत्तर प्रदेशमा विधानसभाको चुनाव आज हुने भएको छ । भारतको ठूला राज्यअन्तर्गत पर्ने उत्तर प्रदेशमा आज हुने चुनावलाई भारतीय राजनीतिक वृतमा महत्वका साथ हेरिएको छ । यी राज्यमा सात चरणमा चुनाव चल्नेछ । आजको पहिलो चरणको मतदानको लागि १० जिल्लाबाट ५५ सिटमा मतदान हुने भएको छ ।
चुनावका समयमा हुन सक्ने सम्भावित घटनालाई मध्यनजर राखेर त्यहाँ सुरक्षा अवस्था निक्कै कडा बनाइएको छ । यसअघि भारतका ५ राज्यमध्ये मणिपुर, उध्राखण्ड र पञ्जावमा मतदानको काम सकिएको छ । उत्तर प्रदेशको चुनावपछि फागुन २० मा पश्चिमी राज्य गोवामा चुनाव हुनेछ । तर चुनावको परिणाम भने एक महिना पछि मात्रै थाहा हुनेछ ।