Tuesday, 22 May 2012 03:46 pm, Nepal
बनेपा, २५ माघ : जिल्ला प्रहरी कार्यालय काभ्रेले अपहरणको काममा संलग्न भएको आरोपमा सातजनालाई पक्राउ गरेको छ । रु ९३ लाख फिरौती मागेर नदिएपछि ढुसेनी शिवाल–२ का ४७ वर्षीय दीपक भन्ने अनिरुद्र गौतमलाई अपहरण गर्ने समूहलाई पक्राउ गरिएको जिप्रका काभ्रेका प्रहरी नायब उपरीक्षक सुरेन्द्रप्रसाद मैनलीले जानकारी दिनुभयो ।
उहाँका अनुसार पीडित गौतमलाई काभ्रेको फलापे भन्ने ठाउँबाट उद्धारसमेत गरिएको छ ।
प्रनाउ मैनालीका अनुसार फलापे भन्ने स्थानबाट दुईवटा मोटरसाइकलसहित तीनजना र दुईवटा मोटरसाइकलसहित चारजनालाई पाँचखालबाट गएराति पक्राउ गरिएको हो ।
पक्राउ पर्नेमा काभ्रेको वाङ्थलीका २६ वर्षीय नवराज पराजुली, कानपुर गाविसका २२ वर्षीय सन्तोष तामाङ, सरसिउँखर्क–२ बस्ने २१ वर्षीय रोशन तामाङ, कानपुरकै २० वर्षीय विजय लामा रहेका छन् ।
त्यस्तै धादिङ जिल्ला पीडा गाविस–५ का १९ वर्षीय अनिल भण्डारी, काभ्रे चलाल गणेशस्थान–६ बस्ने स्वरोज खड्का र रामेछाप जिल्लाको हिमगङ्गा गाविस–६ बस्ने ३० वर्षीय दुर्गालाल सुनार पक्राउ परेका छन् ।
उनीहरु विरुद्ध मानव अपराध तथा शारीरिक बन्धक मुद्दा चलाइने प्रनाउ मैनालीले बताउनुभयो ।