Tuesday, 22 May 2012 03:49 pm, Nepal
सिरहा, २६ माघ : शान्ति सुरक्षा लगायतका ८ बुँदे माग राख्दै चरणवद्ध आनदोलनमा उत्रिएका नेकपा एमाले सिरहाले आज सिरहामा बन्द गराएका छन् । बन्दका कारण आज बिहानैदेखि सिरहामा सवारी साधनहरु चलेका छैनन् भने बजार, शैक्षिक संस्थमा पनि प्रभाव परेको छ । एमालेका कार्यकताहरु आज बिहानैदेखि पुर्व पश्चिम लोकमार्गमा यातायात अवरुद्ध गर्नुको साथै बजार पसलहरु बन्द गराउदै हिडेका छन् ।
सिरहामा हत्या अपहरण, चोरी डकैती लुटपाटजस्ता आपराधिक घटना नियन्त्रण गर्नुपर्ने, सिरहाको बेलहा डाँकाकाण्डका दोषीमाथि कार्बाही र न्यायिक छानबिन गरिनुपर्ने, डाँकाकाण्डका मृतक परिवारलाई राहतस्वरुप १० लाख क्षतिपूर्ति दिनुपर्ने सिरहाका किसानहरुलाई खाद मल र बिउ बिजन सहज रुपमा उपलब्ध गराउनुपर्ने लगायतका माग राखेर एमालेले दोस्रो चरणको आन्दोलन गरेको हो । यसअघि एमालेले पहिलो चरणमा गरेको आनदोलका क्रममा जिल्ला प्रशासन घेराउको कार्यक्रममा प्रहरीले अत्याधिक बल प्रयोग गर्दा घाईते भएका एमाले कार्यकर्ता हनुमाननगर का ५५ वर्षका रामस्वरुप पासमानको मृत्यु भैइसकेको छ ।