राष्ट्रपतिले मध्यमाञ्चल महोत्सव उद्घाटन गर्दै

मेचीकाली : 2012-02-18 08:13:57

काभ्रे, ६ फागुन : सम्भावना पहिचान हाम्रो उद्देश्य, बढाऔँ लगानी बनाऔँ भविष्य  भन्ने नाराका साथ काभ्रेको बनेपा पुलबजारमा मध्यमाञ्चल महोत्सव २०६८ सुरु भएको छ । फागुन १४ गतेसम्म चल्ने महोत्सव हिजोदेखि नै सुरु भए पनि औपचारिकरुपमा उद्घाटन भने आज राष्ट्रपति रामवरण यादवले गर्ने कार्यक्रम रहेको छ ।

महोत्सव उद्घाटनका लागि राष्ट्रपति यादव दिउँसो १ बजे बनेपा आइपुग्नुहुनेछ । महोत्सवमा कृषि उपजका सामग्री, सूचना प्रविधि, पशुसेवा, खाद्यान्नलगायत १ सय ७५ वटा स्टल रहेका छन् । महोत्सवको पहिलो दिन स्टलहरु व्यवस्थापन भइनसकेकाले सर्वसाधारणको उपस्थिति निकै कम देखिएको थियो । स्टल व्यवस्थापन तथा अन्य तयारीका लागि नै उद्घाटन कार्यक्रम आजका लागि राखिएको काभ्रे उद्योग वाणिज्य संघले जनाएको छ । काभ्रे उद्योग वाणिज्य संघले आयोजना गरेको महोत्सवमा ३ करोड रुपैयाँ बराबरको कारोबार हुने अपेक्षा गरिएको छ । काभ्रे उद्योग वाणिज्य संघले विगत तीन बर्षदेखि काभ्रेका महोत्सव आयोजना गर्दै आएको छ । २०६६ सालमा श्रीखण्डपुरको चौरमा महोत्सव आयोजना गरिएको थियो भने गत बर्ष बनेपा र पनौतीमा सीमानामा रहेको सूचना प्रविधि पार्कमा महोत्सव आयोजना गरिएको थियो ।

प्रतिक्रिया दिनुहोस्

नाम:

इमेल:

प्रतिक्रिया:
नेपालीमा टाइप गर्नुहोस् । अंग्रेजीमा टाइप गर्न Ctrl+G थिच्नुहोस् ।

सुरक्षा संकेत: