Tuesday, 22 May 2012 03:57 pm, Nepal
भोजपुर, १० फागुन : गुप्तेश्वर र तिम्मा गाविसको बीचमा पर्ने सेती बगर भन्ने ठाँउमा हिजो बेलुकी सौराज पल्टँदा ३ जनाको मृत्यु भएको छ भने ८ जना घाईते भएका छन् । फागुनको ७ गतेबाट सुरु भएको ट्याम्के महोत्सवबाट भोजपुर फर्कने क्रममा चढेको सौराज पल्टँदा ३ जनाको ज्यान गएको हो ।
दुर्घटनामा धनकुटा ४ लेगुवाका ६० वर्षका राजन कार्की, गुप्तेश्वर गाविसका ४५ वर्षीया सावित्रा राई र ६० वर्षिया जनककुमारी खत्रीको मृत्यु भएको हो । दुर्घटनामा घाइते आठै जनालाई भोजपुर अस्पताल ल्याईसकिएको छ । बाटो सानो भएको कारण भएको दुर्घटनामा सौराज करिव ८० मिटर तल खसेको छ भने चालक हालसम्म फरार रहेको सुरक्षा स्रोतले जनाएको छ ।