Tuesday, 22 May 2012 03:58 pm, Nepal
काठमाडौं, १० फागुन : अकुत सम्पत्ति आर्जन गरेको अभियोगमा सर्वोच्च अदालतबाट दोषी ठहरिएका जेपी गुप्तालाई जेल चलान गरिएपछि मधेसी जनअधिकार फोरम गणतान्त्रिक नेतृत्वविहीन भएको छ । पार्टी अध्यक्ष नै जेलमा परेपछि पार्टी नेतृत्व कसले कसरी गर्ने भन्ने विषयमा अहिले फोरम गणतान्त्रिकमा अन्यौल देखिएको छ ।
सर्वोच्चको फैसलाका विषयमा छलफल गर्न आज बस्ने भनिएको बैठक पनि अन्योलमा परेको छ । अब कसरी अघि बढ्ने भन्ने विषयमा छलफल गर्न पार्टीको बैठक भोलि बस्ने भएको विना विभागीय मन्त्री तथा वरिष्ठ नेता राजलाल यादवले जानकारी गराउनुभयो । उहाँका अनुसार आज धेरैजसो केन्द्रीय नेताहरू उपत्यका बाहिर रहेकोले केन्द्रीय समितिको बैठक भोलिका लागि तय भएको छ ।