Tuesday, 22 May 2012 04:01 pm, Nepal
नेपाल पर्यटन बोर्डले लुम्बिनी भ्रमण वर्ष २०१२ लाई सफल बनाउन इटलीको मिलान गरेको विशेष प्रदर्शनी सम्पन्न गरेको छ । मिलानमा भइरहेको अन्तर्राष्ट्रिय पर्यटनसम्बन्धी कार्यक्रममा यही फागुन ४ गते सो प्रदर्शनी सुरु गरी ७ गते सम्पन्न गरिएको थियो । नेपाली परम्परागत वेशभूषा, पर्यटकीयस्थललाई दर्शाउने सामग्रीहरु प्रदर्शनीमा राखिएका थिए । सो प्रदर्शनीमा विश्वका विभिन्न ५० देशका प्रतिनिधि सहभागी रहेको बोर्डले जनाएको छ ।
बोर्डले नेपालका पर्यटकीयस्थलबारे जानकारी गराउँदै नेपाल भ्रमणका लागि सुरक्षित रहेको विश्वास पत्रकार सम्मेलनमार्फत दिलाउने प्रयाश गरेको थियो ।
बोर्डका तर्फबाट नन्दिनी थापा र कुन्दन शर्माले लुम्बिनी भ्रमण वर्षबारे जानकारी दिने काम गरेका थिए ।