Tuesday, 22 May 2012 04:08 pm, Nepal
चौतारा, १० फागुन : नेकपा (एमाले)का नेता केपी शर्मा ओलीले माओवादीका जिम्मेवार नेताहरुबाट विद्रोह गर्ने धम्की आइरहेको र सरकारका केही मन्त्रीले तराईलाई अलग्याउनेजस्ता भनाइ राखिरहेको बताउँदै यी दुवै भनाइ राष्ट्रघाती रहेको बताउनुभएको छ ।
नेकपा (एमाले)को २ नं क्षेत्रीय भेलाको सिन्धुपाल्चोकको चौतारामा आज उद्घाटनका अवसरमा नेता ओलीले शान्ति प्रक्रियालाई सही निष्कर्षमा पु¥याई दीगो शान्ति कायम गर्ने काममा एमालेको अहम् भूमिका रहेको बताउनुभयो ।
उहाँले माओवादीले नक्कली लडाकुको नाममा राष्ट्रको ढुकुटी रित्याएको आरोप लगाउनुभयो ।
राज्य पुनर्संरचनाको प्रश्न अत्यन्त गम्भीर भएकोले व्यापक दृष्टिकोण लिएर अगाडि बढ्न आग्रह गर्दै नेता ओलीले साम्प्रदायिक भावनालाई परित्याग गरी सबै समेटिने र सबैको उन्नति हुने समृद्ध राष्ट्र बनाउनुपर्नेमा जोड दिनुभयो ।