Sunday, 26 May 2013 10:03 am, Nepal
भद्रपुर, ११ जेठ : नेपाली काँग्रेसका सभापति सुशील कोइरालाले विगत १०–१५ वर्षदेखि चुनाव नभएर स्थिर सरकार बन्न नसक्दा देश र जनताले धेरै समस्या झेल्नुपरेको बताउनुभएको छ । नेपाल प्रेस युनियन झापाद्वारा आज विर्तामोडमा आयोजित पत्रकार भेटघाट कार्यक्रममा उहाँले चुनाव नै प्रजातन्त्र र कानुनी मुटु हो भन्नुभयो ।
झापा, ९ जेठ : मजदुर आन्दोलनका कारण आजदेखि मेची अञ्चलका सम्पूर्ण पेट्रोल पम्प बन्द भएका छन् । नियुक्तिपत्र कहिलेदेखि दिने भन्ने विवादमा मजदुर र पेट्रोलियम व्यवसायीबीच सहमति बन्न नसकेपछि अखिल नेपाल पेट्रोलियम मजदुर सङ्घबाट पम्प बन्द गराएको हो ।
भद्रपुर, २७ वैशाख : पक्राउमा परेका कार्यकर्ताको रिहाइको माग गर्दै राप्रपा नेपालले आज झापामा अप्रत्यासित रुपमा गरेको बन्द कार्यक्रमले जनजीवन प्रभावित बनेको छ । बन्दका कारण पूर्व–पश्चिम राजमार्ग र मेची राजमार्गका साथै सहायक मार्गहरुमा सार्वजनिक यातायातका साधनका साथै मालबाहक ट्रकसमेत अवरुद्ध भएका छन् ।
झापा, २४ वैशाख : संघीय लिम्बुवान राज्य परिषदले पूर्वाञ्चलका ९ जिल्लामा चार दिन देखि गरेको बन्द फिर्ता लिएको छ । बन्दका क्रममा विभिन्न स्थानबाट पक्राउ परेका आफ्ना कार्यकर्ता रिहा भएपछि परिषदले बन्द फिर्ता लिएको हो । कार्यकर्ता रिहाईपछि परिषदका केन्द्रीय अध्यक्ष कुमार लिङ्देनले विज्ञप्ती जारी गरी बन्दका कारण जनताले सास्ती ब्यहोर्नुपरेको परेकाले बन्द फिर्ता लिइएको बताएका छन् ।
भद्रपुर, २४ वैशाख : नागरिकता वितरण तथा मतदाता सङ्कलन कार्य बन्द गर्नुपर्नेलगायत पाँच सूत्रीय माग राखी मञ्चसम्बद्ध सङ्घीय लिम्बूवान राज्य परिषद्ले लगातार चौंथो दिन पनि हडताल जारी राखेपछि पूर्वी क्षेत्रका जनजीवन थप कष्टकर बन्दै गएको छ । पूर्वका एकहजारभन्दा बढी सार्वजनिक सवारीहरु ठप्प भएका छन, त्यसमा कार्यरत हजारौं मजदुरहरु काम नपाएर विच्चलीमा परेका छन् ।