Saturday, 25 May 2013 03:05 pm, Nepal
तेह्रथुम, २७ असार : समयमा नै उपचार नपाउदा तेह्रथुममा एक गर्भवतीको ज्यान गएको छ । ह्वाकु ६ बस्ने ७ महिनाकी गर्भवती १८ वर्षीया विमला कालीकोटेको उपचार अभावमा ज्यान गएको स्थानीय अक्कलबहादुर इङ्नामले जानकारी दिनुभयो । हिजो दिउँसो काम गर्न मेला गएदेखिनै कालिकोटे विरामी हुनुहुन्थ्यो ।
तेह्रथुम, १४ असार : नकावधारी समूहले तेह्रथुम आठराईका दुई विद्यालयका शिक्षकहरुको तलव १६ लाख रुपैयाँ लुटेको छ । छातेढुंगाको पोखरी उच्च मावि र सरस्वती निमावि होडाका शिक्षकहरुको अन्तिम चौमासिक तलव बाटैमा लुटिएको हो । नकावधारी समूहले सदरमुकाम म्याङ्लुङ्गबाट विद्यालयको तलव लिएर फर्कदै गरेका शिक्षक र परिचरलाई कुटपिट गरी रकम रकम लुटेर लगेको प्रहरीले जनाएको छ ।
तेह्रथुम, ३ फागुन : तेह्रथुमको ओख्रे–५ स्थित वाँसपानी गाउँमा भीषण आगलागी भएको छ । नजिकैको जंगलबाट सल्किएको आगो गाउँमा फैलिदा अहिलेसम्म ३ वटा घर जलेर नष्ट भएका छन् भने पुरै गाउँ जोखिममा परेको छ । प्रहरी र स्थानीयबासीको सहयोगमा आगो निभाउने प्रयास गरिएपनि नियन्त्रणमा आउन सकेको छैन ।
तेह्रथुम, ३ असोज : अविरल वर्षाले तेह्रथुमको फुलेक ७ चम्फुलामा आधा दर्जन परिवारको खेतबारी बगाउँदा ४ लाख मुल्य बराबरको क्षति भएको छ । पहिरोले पाक्न लागेको कोदो, धान र थन्क्याउने बेला भएको मकै बाली समेत बगाएर क्षति पुर्याएको छ ।