Tuesday, 22 May 2012 04:47 pm, Nepal
उदयपुर, ३० कातिक : नन्दबक्स गण उदयपुरमा कार्यरत नेपाली सेनाका अमल्दार पदम पाण्डेलाई श्रीमतीे हत्याको अभियोगमा पक्राउ गरिएको छ । सुर्खेतको वीरेन्द्रनगर नगरपालिका–११ घर भई उदयपुरमा कार्यरत अमल्दार पदम पाण्डेलाई आज बिहान नियन्त्रणमा लिइएको हो । प्रहरी निरीक्षक कुलप्रसाद चौधरीका अनुसार त्रियुगा नगरपालिका–२ मा डेरा गरिबसेकी पाण्डेकी २१ वर्षीया श्रीमती इन्दिरा पाण्डेको हिजो राति मृत्यु भएको हो । श्रीमती इन्दिराको हत्या भएको भन्दै गाउँलेले खबर गरेपछि अमल्दार पाण्डेलाई पक्राउ गरिएको हो ।
गाईघाट, २८ कात्तिक : उदयपुरको हँडिया गाविस–४ को गिरीबहादुर मगरको श्रीमती ईश्वरा मगरलाई बेपता बनाई बेच्न खोज्ने हँडियाकै कुमार कार्कीलाई हालै प्रहरीले पक्राउ गरी अनुसन्धान सुरु गरेको छ । केही दिनअघि ईश्वरा मगरलाई हँडियाकै कुमार कार्की र तारा महताराले ललाई–फकाई काठमाडौँ पु¥याएका थिए । तर ईश्वराका बाबु सन्तोष मगर र भाइ प्रकाश मगरले प्रहरीमा जाहेरी गरेपछि कुमार कार्की र तारा महताराले ईश्वरालाई उदयपुरको जलजलेमा ल्याई छोडेका थिए ।
उदयपुर, २५ कात्तिक : तिहारको लक्ष्मीपूजाको दिन गाई काटेर खाएको विरोधमा गाईघाट-कदमाहा सडकखण्डमा स्थानीयले आज चक्काजाम गरेका छन्। स्थानीय दौलतपुरबासीले पौने ११ बजेदेखि एक घण्टाका लागि गरेको चक्काजामका कारण गाईघाटदेखि लाहान, धरान, बिराटनगर, काठमाडौंलगायत विभिन्न ठाउँ जाने-आउने तीनदर्जन बढी यात्रुबाहक बस तथा मालबाहक गाडीहरु रोकिएर हजारौं यात्रु अलपत्र परे।
उदयपुर, ४ कात्तिक : खलासीले चलाएको बसको ठक्करबाट गम्भीर घाइते बनेका उदयपुरको त्रियुगा नपा–१ करमगाछीका १८ वर्षीय सुदिप खड्कालाई उपचारका लागि धरान लानेक्रममा आज बिहान मृत्यु भएको छ । गाईघाटबाट काठमाडौँ जान लागेको ना३ख ८४३१ नंको उदयपुर सफरीले उदयपुरको त्रियुगा नगरपालिका–१ करमगाछीमा बिहान ६ बजे सडकमा हिँड्दै गरेका युवकलाई ठक्कर दिएर बस भागेको थियो ।
उदयपुर, २० असोज : उदयपुरको बसहा गाविस–४ भोर्लेनीमा गएराति गाउँलेको समूहले कुटपिट गरी एक युवकको हत्या गरेका छन् । स्थानीय एक महिलालाई बलात्कार गर्न खोजेको भन्दै गाउँलेको समूहले कुटपिट गर्दा ३९ वर्षीय उत्तम राईको मृत्यु भएको प्रहरीले जनाएको छ । कुटपिटबाट घाइते भएका राईको उपचार गर्न लाँदैगर्दा बाटोमा मृत्यु भएको जिल्ला प्रहरी कार्यालय उदयपुरले जनाएको छ । राईको हत्यामा संलग्न भएको भन्दै १४ जना स्थानीयलाई प्रहरीले आज बिहान गिरफ्तार गरेको इलाका प्रहरी कार्यालय बेल्टारका इन्चार्ज अमिरी यादवले बताए ।