Tuesday, 22 May 2012 04:48 pm, Nepal
सिरहा, ३ जेठ : उच्च माध्यमिक शिक्षा परिषद्द्वारा सञ्चालित कक्षा ११ को आजको परीक्षामा अमर्यादित कार्य गरेको आरोपमा सप्तरीबाट २२ जना परिक्षार्थी निष्काशित भएका छन् । परीक्षामा अमर्यादित क्रियाकलाप गरेकाले २२ परिक्षार्थीहरुलाई आजको अनिवार्य नेपाली विषयको परीक्षाबाट निष्काशित गरिएको जिल्ला शिक्षा कार्यालय सप्तरीले जनाएको छ ।
सिरहा, ३ जेठ : सिरहाको औरही गाविसमा हिजो दिउँसो भएको आगलागीमा तीन वटा बारुणयन्त्रले आगो निभाउने कार्य अहिले पनि जारी राखेका छन् । अझै कतिपय स्थानमा आगलागी भइरहेकाले नियन्त्रणको प्रयास जारी राखिएको हो ।
सिरहा, २ जेठ : सिरहाको औरही गाविसको वडानम्बर ३ बाट सुरु भएको आगलागी नियन्त्रणमा लिन नसकेपछि अहिलेसम्म झण्डै ५ सय घर जलेर नष्ट भएका छन् । जिल्लामा रहेको एउटा मात्रै दमकलले आगो निभाउने प्रयास गरेपनि हावाहुरीका कारण आगो ४, ५, ६, ७ र ८ नम्बर वडासम्म फैलिएको छ ।
लहान, १ जेठ : सिरहामा गएराति बम विस्फोट, विस्फोटको जिम्मा अखिल तराई मुक्ति मोर्चाले लिएको छ । पुर्वपश्चिम लोकमार्ग अन्तरगत सिरहाको पडरिया गाविसको पशुपती सेयर मिलमा गएराति बम विस्फोट भएको हो ।
सिरहा, २० वैशाख : जनकपुरको रामानन्द चोकमा भएको बम विस्फोटको विरोधमा आज सिरहा बन्द गरिएको छ । विस्फोटमा परी मृत्यु भएकाहरुलाई श्रद्धान्जली स्वरुप नागरिक समाजले आज एक दिन सिरहा बजार बन्द आह्वान गरेको हो । जनकपुरमा भएको बिस्फोटको घटनाले शोकमग्न रहेका सिरहाबजारबासीले आज बिहानैदेखि स्वस्फुर्त रुपमा बजार बन्द गरेका हुन् ।