Tuesday, 22 May 2012 04:52 pm, Nepal
दोलखा, १५ पुस : पहिरोको कारण प्रवेश मार्ग अवरुद्ध भएपछि बहुचर्चित माथिल्लो तामाकोसी जलविद्युत् आयोजनाको काम प्रभावित भएको छ । हिउँदे पहिरोको कारण दोलखाको लामावगर गाविससको गोगरदेखि लामाबगरसम्मको सडक विभिन्न स्थानमा अवरुद्ध भएपछि लामाबगर स्थित बाँधस्थलमा विभिन्न संरचना निर्माण कार्य रोकिएको आयोजनाका उप–प्रबन्धक विष्णुबहादुर थापाले जानकारी दिनुभयो ।
दोलखा, २ पुस : दोलखाको किर्नेस्थित निजी क्षेत्रबाट सञ्चालन हुँदै आएको खिम्ती जलविद्युत आयोजनाको सञ्चालक हिमाल पावर लिमिटेडले त्यहाँ कार्यरत ८९ जना कामदारलाई एकैपटक अवकास दिने निर्णयको विरोधमा अवकास पाएका मजदुरहरुले आन्दोलन सुरु गरेका छन् । ६० मेगावाट विद्युत् उत्पादन गर्दै आएको जलविद्युत् केन्द्रमा २०५७ सालदेखि कार्यरत ८९ जना मदजुरलाई पुस १ गतेदेखि अवकास दिने निर्णय गरेपछि मजदुरहरु आन्दोलनमा उत्रेका हुन् ।
दोलखा, २६ कात्तिक : अपरिचित समूहको कुटपिटबाट दोलखाको जफे गाविसमा आज एक पुरुषको मृत्यु भएको छ । स्थानीय छौंडे बजारमा हाट हेर्न गएका जफे गाविस–६ का अन्दाजी ३५ वर्षका हरि पोखरेलको कुटपिटबाट मृत्यु भएको हो । हिजो छाँैडेमा लाग्ने हाट हेर्न भनी घरबाट निस्किएका पोखरेल कुटपिटबाट गम्भीर घाइते भएको र स्थानीय स्वास्थ्य संस्थामा उपचारका क्रममा मृत्यु भएको छाँैडे प्रहरीले जनाएको छ ।
दोलखा, ८ असोज : लामाबगर–१ लप्चीका स्थानीयले हरेक वर्ष चिनीयाँ पक्षलाई समस्या पार्ने पशुचरिचरणवापत प्रतिचौरीको वार्षिक तीन धार्नी घिउ बुझाउनु पर्ने बाध्यता अझै भोग्दै आएका छन् । चीनको स्वशासित क्षेत्र तिब्बतको सीमा नजिक रहेको लप्चीबासीले आफ्नो ठाउँमा चरिचरणको अभाव भएकाले वर्षको केही समय सीमापारी चौरी चराउन लानु पर्छ लप्चीका कर्मा शेर्पाले भने ।
दोलखा, ५ असोज : दोलखा जिल्लाका विभिन्न स्थानमा भएका छुट्टाछुट्टै घटनामा परी तीनजनाको मृत्यु भएको छ । दोलखाको भीमेश्वर नगरपालिका–१२ मकैबारीमा गुडिरहेको बसबाट खसेर एक पूर्व सैनिकको मृत्यु भएको छ । मृत्यु हुनेमा सो नगरपालिका–१३ साखिनेका अन्दाजी ५० वर्षीय प्रेमबहादुर बस्नेत रहेका छन् ।