Tuesday, 18 June 2013 10:24 am, Nepal
काठमाडौँ, ३ असार : नेपाल आयाल निगमले पट्रोलियम पदार्थको कारोबारको साथै विटुमिन, ल्युब, पेट्रोकेमिकल पदार्थ, हवाई ल्युब आदिकोे समेत नयाँ कारोबार सुरु गर्न लागेको छ । यसका लागि निगमले भारतीय आयल निगमसँग पहल अगाडि बढाइसेकेको र शीघ्र सम्झौता हुने निगमका कार्यकारी निर्देशक सुरेशकुमार अग्रवालले जानकारी दिनुभएको छ ।
काठमाडौं, ३ असार : राष्ट्रपति डा. रामवरण यादवको आन्द्रामा घाउ देखिएपछि थप उपचारको लागि आज जापान लगिने भएको छ । चिकित्सकले क्यान्सरको आशंका गरेपछि थप उपचारका लागि आज दिउँसो जापान लैजान लागिएको हो । आज दिउँसो थाइ एयरबाट जापान लगिने राष्ट्रपतिको कार्यालयले जनाएको छ ।
काठमाडौं, ३ असार : उच्चस्तरीय राजनीतिक समितिको बैठक आज बस्दैछ । समितिको कार्यालय नयाँ बानेश्वरमा अहिले केही बेरमा बस्ने बैठकमा संविधानसभाको चुनावको मिति घोषणा पछिका जटिलताका विषयमा छलफल हुनेछ । सरकारले चुनावको मिति घोषणा गरेलगत्तै असन्तुष्ट दलहरुले आन्दोलन सुरु गरेपछि उनीहरुलाई सहमतिमा ल्याउने उपायका विषयमा पनि छलफल हुनेछ ।
काठमाडौं, २ असार : चुनावको मिति घोषणमा असन्तुष्टि जनाउँदै सरकार विरुद्ध आन्दोलन गरिरहेका दलहरुले आज नेपाल बन्द गराएका छन् । नेकपा–माओवादी, संघीय लोकतान्त्रिक मोर्चा र संघिय समाजवादी सहितका सहित ४२ दलले सयुक्त रुपमा गरेको बन्दका कारण आज देशभरीको जनजीवन प्रभावित बनेको छ ।
काठमाडौं, २ असार : बन्दका कारण उच्चस्तरीय राजनीतिक समितिको बैठक पनि प्रभावित भएको छ । फोरम लोकतान्त्रिक अध्यक्ष विजयकुमार गच्छदारले समितिको नेतृत्व सम्हालेपछि आज बोलाइएको पहिलो वैठक बन्दका कारण स्थगित गरिएको छ । गच्छदारले हिजोदेखि समितिको संयोजकको जिम्मेवारी पाएका थिए ।