Tuesday, 22 May 2012 05:26 pm, Nepal
बारा, २८ चैत : बाराको लिपनीमालमा मंगलवार अज्ञात समुहले गोली प्रहार गरी एक युवकलाइ गम्भीर घाइते बनाएको छ । गोली प्रहारबाट बीरगन्ज २ छपकैयाका ३० वर्षिय चुन्नु आलम भन्ने नूर आलम गम्भीर घाइते हुनुभएको हो । आलमको पेट र पाखुरामा गोली लागेको छ ।
बारा, १४ चेत : स्लोभाकियाकी नागरिक मारिचीले आफुलाई बन्धक नबनाएको बताउनु भएको छ । बाराको रतनपुरी गाविसको हल्खोरिया जंगलमा आफु पुजा मात्रै गर्न गएको उहाँको भनाइ छ । तपस्वी राम बहादुर बम्जनको पुजा दर्शन गर्न त्यहाँ पुगेको र आफुलाई कसैले अपहरण नगरेको मारिचीले प्रहरीलाई दिएको बयानमा बताएको बाराका प्रहरी उपरिक्षक दानसिह बोहोराले जानकारी दिनुभयो ।
बारा, १३ चैत : तपस्यारत भनिएका रामबहादुर बम्जनको आदेशमा बन्धक बनाइएकी स्लोभाकियाकी मिरिची मुक्त भएकी छन् । मिरिचीलाई हिजो साझ बम्जनको संरक्षण गर्दै बोधी श्रवण धर्म संघका दर्शन लिम्बुले सिमरामा ल्याएर छोडेको बताइएको छ ।
बारा, १२ चैत : रामबहादुर बम्जनको संरक्षण गर्दै आएको बोधी श्रवण धर्म संघले दुई महिलालाई तिन महिनादेखी बन्धक बनाएर राखेको पाइएको छ । बम्जनको तपस्या भंग गर्न खोजेको भन्दै संघले स्लोभाकियाकी अन्दाजी ३५ बर्षकी मारिचि र सिन्धुपाल्चोक घर भएकी माता (आनी) नामकी महिलालाई बन्धक बनाएर राखेको प्रहरीले जनाएको छ ।
बारा, ६ चैत : गरिबीका कारण बारामा एक महिलाले दुई छोराछोरीको हत्या गरेर आफूले आत्महत्या गरेकी छन् । बाराको अमाव गाउँ बिकास समिति वडा नम्बर ४ का मुक्ति चौधरीकी श्रीमती रमिताकुमारीले गएराति आफ्ना साढे दुई वर्षिय छोरा कुन्दन र ९ महिनाकी छोरी सुगन्धाको हत्या गरेर आफूले रसमेत आत्महत्या गरेकी प्रहरीले जनाएको छ । ज्याला मजदुरी गर्न श्रीमान बाहिर गएको बेला रमिताले छोराछोरीको घाँटी थिची हत्या गरेर घरमै झुण्डिएर आत्महत्या गरेको प्रहरीले जनाएको छ ।