Saturday, 25 May 2013 10:42 pm, Nepal
तनहुँ, ५ जेठ : तनहुँको ढोरफिर्दी गाविसको मालेबगरको भीरबाट बस खस्दा दुईजना यात्रुको मृत्यु भएको छ भने बसमा सवार २७ जना घाईते भएका छन् । राईपुरको जरेबरबाट दुलेगौंडा फर्कंदै गरेको ध १ ख ३३९ नम्बरको यात्रुबाहक मालेवगरबाट बस कच्चि सडकबाट ३० मिटर तल खस्दा राईपुर १ निवासी ३२ बषीया मिना महत र भानुमती २ का १६ महिनाका बालक शनि थापाको ज्यान गएको हो ।
तनहुँ, ४ वैशाख : एकीकृत नेकपा माओवादी उपाध्यक्ष डा. बाबुराम भट्टराईले चुनाव बहिष्कार गर्ने पक्षलाई बढी महत्व नदिन आग्रह गर्नुभएको छ । क्रान्तिकारी पत्रकार सङ्घले दमौलीमा गरेको पत्रकार सम्मेलनमा उपाध्यक्ष भट्टराईले देशका धेरै जनतासँग पहुँच भएका चार दलको साटो जनाधार कम भएका ३३ दललाई बढी महत्व दिएको भन्दै सन्चारकर्मीहरुलाई उनीहरुको हैसियत बुझ्न आग्रह गर्नुभयो ।
दमौली, २२ चैत : तनहुँको आँबुखैरेनी–६ स्थित मस्र्याङ्दी विद्युत् गृहको युनिट नं ३ बन्द गरी मर्मत सुरु गरिएको छ । उक्त युनिट एक महिनाका लागि बन्द गरी युनिटको टर्वाइन र पार्ट्सको मर्मत थालिएको विद्युत् गृहका प्रमुख चन्द्रशेखर चौधरीले बताउनुभयो ।
तनहुँ, १६ चैत : प्रहरी नियन्त्रणमा रहेको एक युवकको मृत्यु भएको विषयलाई लिएर सुरु भएको तोडफोड आगजनी र अश्रुग्यास प्रहारका कारण तनहुँको सदरमुकाम दमौली आज दिनभर तनावग्रस्त बन्न पुग्यो । लागु पदार्थ दुव्र्यसनको आरोपमा नियन्त्रणमा लिइएका व्यास १ भादगाउँ निवासी २२ वर्षका सुजन तामाङको मृत्युपछि आक्रोशित मृतकका आफन्तले बिहानैदेखि पृथ्वी राजमार्ग अवरुद्ध पार्दै जिल्ला प्रहरी कार्यालयमा ढुङ्गाप्रहार गर्न थालेपछि प्रहरीले पनि त्यसको जवाफमा अश्रुग्यास प्रहार तथा लाठीचार्ज गरेपछि दमौली तनावग्रस्त बनेको हो ।
तनहुँ, ६ चैत : तनहुँको सदरमुकाम दमौली निर्मल उच्च माध्यमिक विद्यालयमा अध्यापन गराउँदै आएका शिक्षक जीवन लम्सालबाट तनहुँको छिपछिपे गाविस निवासी करिब १४ वर्षीय बालिका बलात्कृत भएकी छिन् । घरबाट दमौलीमा एसएलसी परीक्षा दिन बसेकी दिदीलाई घर खर्च लिएर आएकी ती बालिक बलात्कृत भएकी हुन् ।