Wednesday, 23 May 2012 06:39 am, Nepal
बागलुङ, १८ साउन : अविरल वर्षासँगै आएको बाढीले बागलुङ जिल्लाको सुदुरपश्चिममा रहेको अधिकारीचौर गाविसमा तीनवटा घर बगाएको छ । जिल्ला प्रहरी कार्यालय बागलुङका अनुसार, अधिकारीचौर–५ बस्ने जितबहादुर विक र उनका भाइ लालबहादुर सिर्पालीको घरमा बाढी पसेर भौतिक क्षति पु¥याएको हो ।बाढीले घर बगाउँदा करिब रु. आठ लाख बराबरको क्षति भएको बताइएको छ ।
बागलुङ, १७ साउन : जिल्ला प्रहरी कार्यालय, बागलुङले नगरपालिका–१ रामरेखाबाट एक थान कटुवा पेस्तोलसहित त्यसमा लाग्ने चार राउन्ड गोली बरामद गरेको छ । बागलुङ नगरपालिका–१ रामरेखामा रहेको सामुदायिक प्रहरी सेवा केन्द्रका प्रहरीले गएराति करिब १० बजे रामरेखा हुँदै उपल्लाचौर जान लागेका दुई व्यक्तिको झोला जाँच गर्ने क्रममा सो पेस्तोल र गोली बरामद गरेको जिल्ला प्रहरी कार्यालयले जनाएको छ ।
बागलुङ, १५ साउन : धौलागिरी अञ्चल डिभिजन सहकारी कार्यालय बागलुङमा दर्ता भएका पाँचवटा सहकारी संस्था खारेज भएका छन् । कार्यालयमा दर्ता भएका धौलागिरी अञ्चलका ६३१ वटा सहकारीमध्ये नियमित काम नगरेकाले ती खारेजीमा परेका हुन् । कार्यालयले दिएको जानकारीअनुसार खारेजीमा परेका ती सहकारी संस्थामा पर्वतको खुर्कोट–६ मा रहेको खुर्कुट युवा तथा बचत ऋण सहकारी संस्था रहेका छन् ।
बागलुङ, २ साउन : यार्सागुम्बा (जीवनबुटी) बिक्री गरेर आएको आम्दानीको केही अंशबाट यहाँको एक विद्यालय सञ्चालन भइरहेको छ । म्याग्दी जिल्लाको दुर्गम गाउँ मुदीको बुद्धिविकास माध्यमिक विद्यालयका निजी स्रोतका शिक्षकलाई तलबका लागि यस्तो रकम खर्च गरिएको छ । गाउँका युवाले यार्सागुम्बा बिक्री गरेर प्रतिकेजी रु. पाँच हजार विद्यालयलाई सहयोग गर्दै आएको र सो रकमबाट बुद्धिविकास माविका निजी स्रोतका शिक्षकलाई तलब दिने गरिएको स्थानीय युवा युक्त रोकाले जानकारी दिनुभयो ।
बागलुङ, २० चैत : हत्या भएको महिनापछि एक महिलाको कंकाल भेटिएको छ । अधिकारीचौर-४ की २६ वर्षीया खिमसरा क्षेत्री गत असोज १९ गतेदेखि घरैबाट बेपत्ता भएकी थिइन । अधिकारीचौर ४ कै बतासे डाँडाको जंगलमा भेटिएको कंकाल ती महिलाको रहेको पुष्टी भएको छ । कंकालको परिक्षण बाट हत्याको पुष्टी भएको हो । गर्भवती रहेकी ती महिला रहस्यमय तरीकाबाट हराएकी थिइन ।