Tuesday, 18 June 2013 11:43 am, Nepal
बझाङ, २९ जेठ : बझाङको स्याँडी गाविस ९ तल्लागाउँमा गत २० गते दाजुभाई धनजित र गगनले आफ्ना ६ छोराछोरी सहित गर्भवति श्रीमतिको हत्या गरेपछि डरले अहिले पुरै गाउँ विस्थापित भएको छ । एकै पटक सात जनाको हत्या भएको देखेर डराएका स्थानीयवासिन्दाले हत्या भएको भोलिपल्टदेखि नै गाउँ छोडेका हुन् ।
उनिहरु अर्को गाउँका आफन्तको घरमा बस्दै आएका छन् । स्याँडी गाउँमा सात दलित परिवारका ६० जना बस्दै आएका थिए । गाउँका स्थानीयबासीले आफ्नो घरमा भएको धन सम्पती र वस्तुभाउहरु पनि संगै लिएर गएका छन् । अहिले खेतीपाती गर्ने समय भए पनि डरका कारण गाउँ फर्किन नसकेकोे ६७ वर्षिय रामकला विकको भनाइ छ ।