Monday, 20 May 2013 08:15 am, Nepal
रामेछाप ६ साउन
माओवादी हुँ भनेर नागदह गाविस १ भालुखोपका ५ जना सर्वसाधारणको घर लुट्ने माओवादी कार्यकर्ता गोपाल तामाङसहितका ४ जनाले आफूले लुटेको रकम सम्बन्धित पक्षलाई फिर्ता गराएका छन् । ०५९ सालमा माओवादीको नाममा रु ४८ हजार चन्दा लिएको आरोपमा तत्कालिन नेकपा माओवादी का एरिया सदस्य तारानारायण श्रेष्ठ विगुलको रोहवरमा दोषीलाई कारवाहीसहित तत्कालिन पार्टीको नीतिअनुसार रु ८ हजार ५०० रकम असुल गरी छाडिएको थियो ।
केही महिनाअघि उनीहरुले डर र त्रास देखाउँदै हतियारसहित उनीहरुबाट पुन : ४८ हजार असुल गरेका थिए । सो घटनाबाट पीडितपक्षको कुरा प्रहरीमा पुगेपछि माओवादीसहितको सहयोगमा प्रहरीले घटनाको छानबिन प्रकि्रया अघि बढाएको थियो ।
सोही आधारमा प्रहरी समक्ष उनीहरुले आफ्नो दोष स्वीकार गरेपछि पीडित पक्षलाई रु ४८ हजार र त्यसको ब्याजसहित पीडित पक्षले फिर्ता दिलाउने सर्तमा समस्या समाधान गरिएको धोवी इलाका प्रहरी कार्यालयका प्रमुख टङ्क भट्टराईले जानकारी दिए ।