dashain
Saturday, 20 October 2018 07:09 pm, Nepal

पूँजीगत खर्च कमजोर, लक्ष्यभन्दा बढी राजश्व

मेचीकाली : 2018-10-04 18:23:17


काठमाडौँ, १८ असोज  : चालु आर्थिक वर्षमा सरकारको पूँजीगत खर्च कमजोर देखिएको छ ।यस आवको करीब तीन महिना सकिन एक साता बाँकी रहँदा तीन प्रतिशत अर्थात् २.८९ प्रतिशत पूँजीगत खर्च भएको पाइएको छ । सङ्घीय सरकार, प्रदेश सरकार र स्थानीय निकायले विकास निर्माणको कामलाई अगाडि बढाउन नसक्दा पूँजीगत खर्चको अवस्था कम हुन गएको हो ।

सरकारको चालू खर्चको मात्रा १०.९७ प्रतिशत रहेको छ । टेन्डर तथा ठेक्का प्रक्रिया अगाडि बढी रहेकाले पूँजीगत खर्चको अवस्था सोचेजस्तो हुन नसकेको बताइन्छ ।

यस्तै असोज १७ गते बुधबारसम्म सरकारले रु एक खर्ब ६३ अर्ब ३० करोड राजश्व उठाएको छ । बुधबारसम्म रु एक खर्ब ६१ अर्ब ५६ करोड ११ लाख राजश्व उठाउने लक्ष्य राखेको थियो । लक्ष्यभन्दा १७.२७ प्रतिशत अर्थात् रु दुई अर्ब ७४ करोड ६२ हजार बढी राजश्व उठाएको महालेखा नियन्त्रक कार्यालयले जनाएको छ ।

अर्थमन्त्री डा युवराज खतिवडाले यही असोज १२ गते सबै मन्त्रालयका सचिवलाई संयुक्तरुपमा निर्देशन दिँदै पूँजीगत खर्च बढाउन अन्तरमन्त्रालय समन्वय बढाउन आग्रह गर्नुभएको थियो ।

बजेट कार्यान्वयनमा सबै निकायले थप सक्रियता बढाउनुपर्ने, कार्यसम्पादनमा अन्तरमन्त्रालय समन्वयलाई प्रभावकारी बनाउनुपर्ने, तहगत सरकारबीचको सहकार्य र अन्तरक्रियालाई थप सुदृढ गर्दै कार्य सम्पादन गर्नुपर्नेमा जोड दिनुभएको थियो ।

प्रतिक्रिया दिनुहोस्

नाम:

इमेल:

प्रतिक्रिया:
नेपालीमा टाइप गर्नुहोस् । अंग्रेजीमा टाइप गर्न Ctrl+G थिच्नुहोस् ।

सुरक्षा संकेत:
verification image, type it in the box



 

भर्खरै

 

धेरैले पढेको

 

भर्खरै प्राप्त प्रतिक्रियाहरु

 

मेचीकाली भिडियो

भुन्टी-निशान भट्टराई

थप भिडियोहरु