Saturday, 23 September 2017 02:50 pm, Nepal

अदुवा उत्पादनमा वृद्धि

मेचीकाली : 2017-09-04 15:25:50


तेह्रथुम, १९ भदौ :

यस वर्ष गत वर्षको तुलनामा अदुवा उत्पादनमा वृद्धि भएको छ । यस वर्ष जिल्लामा २६० हेक्टर जमिनमा गरिएको अदुवाखेतीबाट तीन हजार ९५२ मेट्रिक टन अदुवा उत्पादन भएको थियो । यस वर्ष गत वर्षभन्दा ६६६ मेट्रिक टन बढी अदुवा उत्पादन भएको हो । गत वर्ष तीन हजार २८६ मेट्रिक टन उत्पादन भएको थियो ।

परम्परागत रुपमा घरायसी प्रयोजनका लागि मात्र प्रयोग हँुदै आएको अदुवा पछिल्लो समय कृषक व्यावसायिक बन्न थालेपछि उत्पादनमा वृद्धि भएको जिल्ला कृषि विकास कार्यालयका वरिष्ठ कृषि विकास अधिकृत रोहिणीराज घिमिरेले बताउनुभयो । मूल्यमा आएको गिरावटका कारण किसानले यस वर्ष पनि उल्लेख्य आम्दानी लिन सकेनन् ।

मुख्य बजार भारत भए पनि भारतीय बजारमा पटक–पटक नेपाली अदुवाको निकासी रोकिएपछि किसान मारमा परेका हुन् । जिल्लामा विगत वर्षमा प्रतिकिलो रु ७५ सम्ममा कारोबार भएको अदुवाको यस वर्ष प्रतिकिलो रु २५ मा मात्रै कारोबार भयो । कुल उत्पादनको करिब १५ प्रतिशत अदुवा जिल्लाभित्रै खपत हुन्छ । बाँकी जिल्ला बाहिर बिक्रीका लागि पठाउने गरेको घिमिरेले बताउनुभयो । रासस

प्रतिक्रिया दिनुहोस्

नाम:

इमेल:

प्रतिक्रिया:
नेपालीमा टाइप गर्नुहोस् । अंग्रेजीमा टाइप गर्न Ctrl+G थिच्नुहोस् ।

सुरक्षा संकेत:
verification image, type it in the box



 

भर्खरै

 

धेरैले पढेको

 

भर्खरै प्राप्त प्रतिक्रियाहरु

 

मेचीकाली भिडियो

महाभुकम्प

थप भिडियोहरु