Saturday, 20 January 2018 08:59 am, Nepal

कृषिबाट वार्षिक पन्ध्र लाख आम्दानी

मेचीकाली : 2018-01-02 14:13:36


बागलुङ, १८ पुस :

बागलुङ नगरपालिका–३ का नारायण शर्माले कृषि उद्यमबाट मनग्य आम्दानी गर्दै आउनुभएको छ । पन्ध्र वर्षअघि व्यावसायिक कृषि थाल्नुभएका ४९ वर्षीय शर्माले माछा, कुखुरा, हाँस, बाख्रापालनसँगै केराखेती पनि गरिरहनुभएको छ । रु १२ लाख लगानीबाट शुरु गरेको कृषि फार्मबाट उहाँले अहिले वार्षिक रु १५ लाखसम्म आम्दानी गर्नुहुन्छ । छ वटा पोखरीमा माछापालन गर्नुभएका उहाँले वार्षिक रु आठ लाखसम्म आम्दानी हुने गरेको बताउनुभयो ।

शर्माले आफ्नै चार रोपनी जग्गामा माछापालन गर्नुभएको छ । पोखरीमा ग्रास, कमनलगायत विभिन्न जातका सात हजार माछा छन् । पोखरीको आलो माछा प्रतिकिलो रु ५०० मा बिक्री हुने गरेको शर्माले बताउनुभयो ।

उहाँले फार्ममा तीन हजार ब्रोइलर र दुई हजार कोइलर जातका कुखुरा पाल्नु भएको छ । कुखुरासँगै हाँसपालन गर्नुभएका शर्माले जिल्ला कृषि र पशुसेवा कार्यालयबाट अनुदानसमेत पाउनुभएको छ ।

माछापालनका लागि जिल्ला कृषि विकास कार्यालयबाट रु ६० हजार र कुखुरापालनका लागि जिल्ला पशुसेवा कार्यालयबाट रु ५० हजार अनुदान पाएको शर्माले बताउनुभयो । शर्माले गरेको उद्यमशीलता अन्य किसानका लागि प्रेरणादायी बनेको छ । विसं २०४७ मा शिक्षण पेशा त्यागेर कृषि रोज्नुभएका शर्मा यसमै सफल हुनुभएको छ । फार्ममा केहीलाई रोजगारीसमेत दिनुभएका उहाँ कृषिलाई अझै व्यावसायिक बनाउने सोचमा हुनुहुन्छ ।

“उत्पादन गर्न सके बजारको कुनै समस्या छैन, कृषि कर्मबाट म पूर्ण सन्तुष्ट छु”, शर्माले भन्नुभयो । काठेखोला छेउँमा रहेको सो फार्मबाट उत्पादित कृषि उपज बागलुङ सदरमुकाममै खपत हुने गरेको छ । अन्त गएर गर्ने परिश्रम कृषिमा लगाउन सके मनग्य आम्दानी लिन सकिने उहाँको भनाइ छ ।

प्रतिक्रिया दिनुहोस्

नाम:

इमेल:

प्रतिक्रिया:
नेपालीमा टाइप गर्नुहोस् । अंग्रेजीमा टाइप गर्न Ctrl+G थिच्नुहोस् ।

सुरक्षा संकेत:
verification image, type it in the box



 

भर्खरै

 

धेरैले पढेको

 

भर्खरै प्राप्त प्रतिक्रियाहरु

 

मेचीकाली भिडियो

महाभुकम्प

थप भिडियोहरु