dashain
Saturday, 20 October 2018 10:32 pm, Nepal

डिप बोरिङबाट सुख्खा डाँडामा पनि खानेपानी

मेचीकाली : 2018-04-18 10:42:48


चौतारा, ५ वैशाख :

सिन्धुपाल्चोकको चौतारा साँगाचोकगढी नगरपालिका–१२, स्थित कोल्टा डाँडामा डिप बोरिङबाट खानेपानी निकालिएको छ । वडा कार्यालयको रु ३१ लाखको लगानीमा २५ किलोभोल्टको विद्युत् ट्रान्सफर्मरको सहायताले जमिनबाट ४०२ मिटर गहिराइमा ड्रिलिङ गरी डेढ इञ्च बराबरको स्वच्छ पानी निकालिएको हो ।

समुद्री सतहबाट करीब एक हजार ४०० मिटर उचाइमा रहेको सुख्खा डाँडाबाट स्वच्छ पानी निस्किएपछि सो वडाका ४४२ घर परिवारलाई खानेपानीमा सहयोग पुगेको वडाध्यक्ष धु्रवराज गिरीले बताउनुभयो ।२०७२ सालको विनाशकारी भूकम्पले जिल्लाका धेरै ठाउँमा पानीको स्रोत सुकेको छ । त्यसैगरी सो वडामा पनि पानीको स्रोतमा कमी आएपछि वडावासीलाई समस्या पर्दै आएको थियो ।

कुन उपायबाट थप पानी उपलब्ध गराउन सकिन्छ भन्ने चिन्ताले वडावासीलाई सताउन थालेको थियो । त्यसै सन्दर्भमा साविक साँगाचोक गाविसका उपाध्यक्षसमेत रहेका वडाध्यक्ष गिरीले पानी निकाल्ने प्रविधिको खोजीमा झण्डै डेढ वर्षको समय खर्चिएका थिए । जहाँ इच्छा, त्यहाँ उपाय भन्ने कहावतअनुसार राजधानीको एउटा कम्पनीमा आफ्नो समस्या सुनाएपछि वहाँको डेढ वर्षको परिश्रमले साकार रुप लिएको छ । वसुन्धरा रानीरोडस्थित डिकेएच रक ड्रिलिङ कम्पनी लिमिटेडले काम थालनी गरेको करीब एक महिनाको अवधिमा सफलता पाएपछि आफ्ना लागि ज्यादै खुशीको क्षण भएको गिरीले बताउनुभयो ।

त्यहाँबाट निस्किएको पानी हाललाई स्थानीयले प्रयोग गर्दै आएको चुलीथुम्की खानेपानी आयोजनाको ट्याङ्कीमा मिसाइने कार्यक्रम रहेको छ । “पानी त निकालियो, तर ट्याङ्की सानो छ” वडाध्यक्ष गिरीले दुखेसो प्रकट गर्नुभयो, “बजेटको अभावमा अर्को ट्याङ्की र पाइप खरिद गर्न भने सकिएको छैन ।”

प्राविधिका कारण यहाँको सुख्खा डाँडामा पनि पानी निकाल्न सफल भएपछि खानेपानीको अभावमा देशका कतिपय बासिन्दाले बसाइँ सर्नु नपर्ने पाठ भने अवश्य सिकाएको छ ।

–––

प्रतिक्रिया दिनुहोस्

नाम:

इमेल:

प्रतिक्रिया:
नेपालीमा टाइप गर्नुहोस् । अंग्रेजीमा टाइप गर्न Ctrl+G थिच्नुहोस् ।

सुरक्षा संकेत:
verification image, type it in the box



 

भर्खरै

 

धेरैले पढेको

 

भर्खरै प्राप्त प्रतिक्रियाहरु

 

मेचीकाली भिडियो

भुन्टी-निशान भट्टराई

थप भिडियोहरु