धुलिखेल– करिब ३४ वर्षअघि निर्माण गरिएको पुरानो भवन गत २०७२ सालको भुकम्पमा क्षति पुगेर जीर्ण बनेको जिल्ला सरकारी वकिलको कार्यालय काभ्रेपलाञ्चोकको भवन निर्माण सुरु भएको छ । केहिदिन अघि एक कार्यक्रममाबीच महान्यायाधिवक्ता खम्म बहादुर खातीले कार्यालयको प्रशासनिक भवनको शिलान्यास गर्नुभएको हो । जिल्ला न्यायाधिवक्ता शम्भुकुमार बस्नेतले २०४५ सालमा निर्माण गरिएको भवन भुकम्पबाट क्षति पुग्न गई पानी चुहिने, कार्यबोझका कारण सेवाग्राहीको चाप र कार्यालयको दरबन्दी अनुसारको भवन नभएकोले नयाँ नवन निर्माण सुरु गरिएको बताउनुभयो । सरकारी वकिल कार्यालय भवन निर्माणको मालिका÷बज्र जेभि सिन्धुपाल्चोकसँग ठेक्का सम्झौता भएको छ ।
भवन भ्याट बाहेक तीन करोड दश लाख चार हजार ७५१ रुपियाँको लागतमा निर्माण हुनेछ । ठेकेदार कम्पनीले भवन निर्माण सुरु गरेको मितिले पन्ध्र महिना अर्थात् २०८० साल भदौ ३० गतेभित्र भवन निर्माण गरिसक्नुपर्नेछ । निर्माणधिन सरकारी वकिलको कार्यालयको भवन चार तलाको रहनेछ ।